اسلام آباد ایئرپورٹ سے لاپتا امریکی خاتون کا معمہ حل، اڈیالہ جیل منتقل ہونے کا انکشاف

اسلام آباد (نیوز ڈیسک): ریاست مخالف مواد سوشل میڈیا پر پھیلانے کے الزام میں 61 سالہ پاکستانی نژاد امریکی خاتون این سی سی آئی اے کی تحویل میں تھیں، مقدمہ درج۔

راولپنڈی: اسلام آباد ایئرپورٹ سے آف لوڈ ہونے کے بعد لاپتہ ہونے والی 61 سالہ پاکستانی نژاد امریکی خاتون فرحانہ رفیق کا سراغ مل گیا۔ خاتون کے این سی سی آئی اے کی تحویل میں رہنے اور بعد ازاں جوڈیشل ریمانڈ پر اڈیالہ جیل منتقل کیے جانے کا انکشاف ہوا۔

این سی سی آئی اے نے فرحانہ رفیق کو سوشل میڈیا پر مبینہ ریاست مخالف مواد پھیلانے کے الزام میں گرفتار کرکے پیکا ایکٹ اور تعزیرات پاکستان کی دفعات کے تحت مقدمہ درج کرلیا ہے۔ راولپنڈی پولیس نے بھی خاتون کی تلاش مکمل کرلی۔

اسلام آباد ہائی کورٹ میں خاتون کی گمشدگی سے متعلق کیس کی سماعت کے دوران آج راولپنڈی پولیس کی جانب سے رپورٹ پیش کی جائے۔

فرحانہ رفیق 5 نومبر کو امریکہ روانگی کے لیے اسلام آباد ایئرپورٹ پہنچی تھیں جہاں امیگریشن حکام نے انہیں آف لوڈ کردیا تھا۔ خاتون نے ترک ایئرلائن کی پرواز ٹی کے 711 کے ذریعے واشنگٹن روانہ ہونا تھا، تاہم انہیں سفر کی اجازت نہیں دی گئی۔