تعلیم کے لیے بیرونِ ملک جانے والے ان 5 دھوکوں سے ہوشیار رہیں!!

اسلام آباد (نیوز ڈیسک): اسلام آباد : بیرونِ ملک تعلیم حاصل کرنے کا خواب کہیں فراڈ کا شکار نہ ہو جائے! طلبہ و طالبات ایجوکیشن ایجنٹس کی 5 خطرناک نشانیاں لازمی مدنظر رکھیں۔

مائیگرنٹ ریسورس سینٹر پاکستان کی جانب سے ایجوکیشن کنسلٹنٹس کے فراڈ سے بچنے کے لیے اہم ہدایات جاری کردی گئی ہیں۔

تفصیلات کے مطابق بیرونِ ملک اعلیٰ تعلیم حاصل کرنے کے خواہش مند پاکستانی طلبہ و طالبات کو ایجوکیشن ایجنٹس اور کنسلٹنٹس کے ممکنہ فراڈ سے محفوظ رکھنے کے لیے مائیگرنٹ ریسورس سینٹر نے اہم رہنما اصول جاری کرتے ہوئے پانچ بڑی نشانیوں (وارننگ سائنز) سے آگاہ کیا۔

ایم آر سی پی کے آگاہی پیغام میں طلبہ کو خبردار کیا گیا ہے کہ بیرونِ ملک تعلیم کے حصول کے لیے کسی ایجنٹ یا کنسلٹنٹ کی خدمات حاصل کرتے وقت انتہائی احتیاط سے کام لیں تاکہ مستقبل میں کسی خطرے سے دوچار نہ ہوں۔

رہنمائی کے مطابق پہلی وارننگ سائن اس وقت سامنے آتی ہے جب کوئی ایجنٹ یا کنسلٹنٹ ویزا لگنے کی 100 فیصد گارنٹی دے یا ڈن بیسز پر کام کرنے کا دعویٰ کرے۔

طلبہ کو یاد رکھنا چاہیے کہ کنسلٹنٹ کا بنیادی کردار درخواست اور دستاویزات کی تیاری میں معاونت فراہم کرنا ہے، ویزا کی ضمانت دینا نہیں۔

دوسری اہم وارننگ سائن فوری فیس جمع کروانے کے لیے دباؤ ڈالنا ہے، اگر کوئی ایجنٹ یا کنسلٹنٹ یہ کہہ کر جلد ادائیگی کا مطالبہ کرے کہ اسی وقت داخلہ یا ویزا پراسیس مکمل ہوسکتا ہے تو طلبہ کو محتاط رہنا چاہیے، دستاویزات کی تیاری، تصدیق، بینک اسٹیٹمنٹ، بلاک اکاؤنٹ اور ویزا اپائنٹمنٹ جیسے مراحل میں وقت درکار ہوتا۔

تیسری اہم بات یونیورسٹی کی ساکھ اور منظوری کی تصدیق ہے اگر کسی یونیورسٹی کی جانب سے داخلے کا آفر لیٹر یا کنفرمیشن لیٹر جاری کیا جائے تو فیس جمع کروانے سے پہلے اس کی منظوری اور مستند حیثیت کی جانچ ضروری ہے۔ ایچ ای سی کے ڈیٹا بیس اور متعلقہ عالمی اعلیٰ تعلیمی ادارے کے پورٹل پر بھی چیک کریں۔