پیالی میں طوفان (74) ۔ زمین کا ابھار اور واشنگ مشین کے کپڑے
- اسپانسرڈ اشتہار / Advertisement -
پسرور کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
اشتہار بک کروائیں
🎙️ اپنا پسرور ڈیپ ڈائیو (Google NotebookLM انداز)2-میزبان آڈیو پوڈکاسٹ
مستند قدرتی اردو گفتگو • میزبان: اسد اور عظمیٰ • اسٹوڈیو براڈکاسٹ
👨💼
اسد
میزبان و براڈکاسٹر
👩💼
عظمیٰ
تجزیہ کار و شریک میزبان
00:00--:--
🎧 مکمل پوڈکاسٹ سماعت کے لیے تیار ہے
مطالعہ کی سہولیات:
پیالی میں طوفان (74) ۔ زمین کا ابھار اور واشنگ مشین کے کپڑے. ہماری زمین سورج کے گرد چکر کاٹتے وقت خود اپنے مدار کے گرد بھی گوم رہی ہے۔ اور گھومنے کی یہ فورس اسے کھینچتی ہے۔ ہمارے لئے خوش قسمتی یہ ہے کہ گریویٹٰ اتنی طاقتور ہے کہ اس سے ہونے والا اثر ناقابلِ ذکر ہے اور زمین تقریباً تقریباً گول ہی رہتی ہے۔ لیکن اس گردش کی وجہ سے اس کے پیٹ پر ابھار ہے۔ اس کو equatorial bulge کہا جاتا ہے۔ اگر آپ خطِ استوا پر کھڑے ہیں تو زمین کے مرکز سے قطبِ شمالی پر کھڑے شخص کی نسبت اکیس کلومیٹر دور ہیں۔ زمین کو گریویٹی اکٹھا کرتی ہے لیکن اس کی سپن اسے ایسی شکل دیتی ہے۔ ماونٹ ایوریسٹ زمین کا سب سے اونچا پہاڑ ہے لیکن اس کی چوٹی زمین کے مرکز سے سب سے دور والی جگہ نہیں۔ یہ اعزاز چمبورازو کے پاس ہے جو کہ ایکواڈور کا ایک آتش فشاں ہے۔ اس کی سطحِ سمندر سے بلندی تو صرف 20564 فٹ ہے (ایورسٹ کی 29029 فٹ ہے) لیکن چونکہ یہ خطِ استوا کے ابھار کے عین اوپر ہے، اس لئے اگر آپ اس کی چوٹی پر کھڑے ہیں تو ماونٹ ایورسٹ پر کھڑے شخص کے مقابلے میں زمین کے مرکز سے دو کلومیٹر زیادہ دور ہیں۔ (نہیں، ماونٹ ایورسٹ سر کرنے والے شخص کو یہ بتانا آپ کو زیادہ پاپولر نہیں بنائے گا)۔ ۔۔۔۔۔۔۔۔۔۔۔۔ گھومنے والی چیز اگر ٹھوس ہو تو یہ آبجیکٹ خود کو یکجا رکھ سکتا ہے۔ لیکن مائع اور گیس ایسا نہیں کر پاتے۔ اور اگر ہمارے پاس ٹھوس اور مائع اکٹھے ہوں جن کو الگ کرنا ہو تو پھر یہ بہت مفید ہے۔ کپڑے سکھانے کے لئے spin dryer اس اصول کے تحت کام کرتا ہے۔ کپڑے ڈرم میں پھنسے گھوم رہے ہیں۔ لیکن ان میں پایا جانے والا پانی اپنی پوزیشن برقرار نہیں رکھ پاتا۔ اور یہ اس میٹیریل کے درمیان کے شگافوں میں سے نکل جاتا ہے۔ اور جب اسے ڈرم میں سوراخ مل جائے تو یہ اس دائرے سے مکمل طور پر نکل جائے گا۔ (جاری ہے)
- اسپانسرڈ اشتہار / Advertisement -
پسرور اور سیالکوٹ کے لیے سپانسرڈ بینر اسپیس
سیالکوٹ اور پنجاب بھر میں اپنے برانڈ کو نمایاں کریں
اشتہار بک کروائیں
Follow Apna Pasrur Official WhatsApp Channel
Get breaking news, instant alerts, and district updates directly on your WhatsApp
