پیالی میں طوفان (68) ۔ سردی
- اسپانسرڈ اشتہار / Advertisement -
پسرور کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
اشتہار بک کروائیں
🎙️ اپنا پسرور ڈیپ ڈائیو (Google NotebookLM انداز)2-میزبان آڈیو پوڈکاسٹ
مستند قدرتی اردو گفتگو • میزبان: اسد اور عظمیٰ • اسٹوڈیو براڈکاسٹ
👨💼
اسد
میزبان و براڈکاسٹر
👩💼
عظمیٰ
تجزیہ کار و شریک میزبان
00:00--:--
🎧 مکمل پوڈکاسٹ سماعت کے لیے تیار ہے
مطالعہ کی سہولیات:
پیالی میں طوفان (68) ۔ سردی. اینٹارٹیکا کی مشرقی سطح مرتفع پر اگست ایک خاموش اور ساکن مہینہ ہے۔ جس وقت میں شمالی کرہ گرمیوں کی دھوپ میں نہایا ہوتا ہے، اینٹارٹیکا سرد اور تاریکی میں ڈوبا ہوتا ہے۔ اس سطح مرتفع کے اونچے پہاڑ پر چار ماہ رات رہتی ہے۔ برف بہت کم پڑتی ہے لیکن سطح کی برف 650 میٹر موٹی ہے۔ موسم خاموش ہے۔ تاروں بھری رات کو یہ حرارت کھو رہی ہوتی ہے اور کوئی دھوپ نہیں جو حرارت کا اضافہ کر سکے۔ -80 ڈگری سینٹی گریڈ تک درجہ حرارت گر جانا غیرمعمولی نہیں۔ دس اگست 2010 کو درجہ حرارت -93. 2 ڈگری ریکارڈ کیا گیا جو کہ زمین پر سرد ترین درجہ حرارت کا ریکارڈ ہے۔ برف میں حرارت کی توانائی وہ ہے جس وجہ سے ایٹم ہلتے ہیں۔ یہ سوال کہ “درجہ حرارت کتنا گر سکتا ہے” آسان لگتا ہے۔ یہ وہ درجہ حرارت ہو گا جب ایٹآ ہلنا بند کر دیں۔ لیکن جہاں پر کوئی زندگی نہیں، کوئی روشنی نہیں، حرکت تو وہاں پر بھی ہے۔ اس پورے علاقے میں بھی ایٹم کانپ رہے ہیں۔ جس درجہ حرارت پر برف پانی ہو جائے، اس سے نصف توانائی تو ان میں اب بھی ہے۔ اگر ان سے توانائی کا آخرہ ذرہ بھی چوس لیا جائے تو کتنا سرد ہو سکتا ہے؟ اس کو ایبسولیوٹ زیرہ کہا جاتا ہے۔ اور یہ -273. 15 ڈگری سینٹی گریڈ ہے۔ اس درجہ حرارت کے مقابلے میں منجمد اینٹارٹیکا کا موسم سرما بھی بہت زیادہ گرم ہے۔ خوش قسمتی سے، ایٹموں کو اتنا سرد کرنا کہ یہ رک ہی جائیں ۔۔۔ بہت زیادہ مشکل کام ہے۔ ایسے سائنسدان ہیں جنہوں نے اپنی زندگیاں اس کام کے لئے وقف کر دی ہیں کہ وہ زیادہ سے زیادہ ہوشیاری سے وہ طریقے وضع کریں جن کی مدد سے مادے سے حرارت ہٹائی جا سکے۔ یہ cryogenics کا شعبہ ہے۔لیکن اس تکنیک کی مدد سے نئی ٹیکنالوجی بنتی ہے۔ بہتر میڈیکل امیج کی ٹیکنالوجی اور بہتر مقناطیس۔ ہم لوگ اس قدر سردی کا سوچنے سے بھی کپکپاتے ہیں جس سے ایک سوال ذہن میں ابھرتا ہے۔ سردی میں برف پر بطخ ننگے پاؤں کیسے پھرتی ہے (جاری ہے)
- اسپانسرڈ اشتہار / Advertisement -
پسرور اور سیالکوٹ کے لیے سپانسرڈ بینر اسپیس
سیالکوٹ اور پنجاب بھر میں اپنے برانڈ کو نمایاں کریں
اشتہار بک کروائیں
Follow Apna Pasrur Official WhatsApp Channel
Get breaking news, instant alerts, and district updates directly on your WhatsApp
