لاہور: جہیز میں دیا گیا بیڈ ٹوٹنے پر خریدار نے عدالت سے رجوع کر لیا
- اسپانسرڈ اشتہار / Advertisement -
پسرور کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
اشتہار بک کروائیں
🎙️ اپنا پسرور ڈیپ ڈائیو (Google NotebookLM انداز)2-میزبان آڈیو پوڈکاسٹ
مستند قدرتی اردو گفتگو • میزبان: اسد اور عظمیٰ • اسٹوڈیو براڈکاسٹ
👨💼
اسد
میزبان و براڈکاسٹر
👩💼
عظمیٰ
تجزیہ کار و شریک میزبان
00:00--:--
🎧 مکمل پوڈکاسٹ سماعت کے لیے تیار ہے
مطالعہ کی سہولیات:
لاہور: جہیز میں دیا گیا بیڈ ٹوٹنے پر خریدار نے عدالت سے رجوع کر لیا. لاہور: جہیز میں دیا گیا بیڈ ٹوٹنے پر خریدار نے عدالت سے رجوع کر لیا لاہور کی ایک صارف عدالت نے جہیز میں دیے گئے بیڈ کے ٹوٹنے پر دائر کیے گئے مقدمے میں دکاندار کو پورا فرنیچر تبدیل کرنے کا حکم دیا ہے۔ لاہور کے علاقے ٹاون شپ کے رہائشی جاوید اقبال نے عدالت میں مقدمہ دائر کیا تھا کہ انہوں نے اپنی بیٹی کو جہیز میں فرینچر دیا لیکن چند ہی دنوں میں ناقص لکڑی کی وجہ سے بیڈ ٹوٹ گیا۔ انہوں نے اپنی درخواست میں لکھا کہ اس وجہ سے ان کے پورے خاندان کو شدید کوفت کا سامنا کرنا پڑا لہذا اس ذہنی اذیت کو ختم کرنے کے لیے انہیں ایک کروڑ روپے ہرجانہ دیا جائے۔ جاوید اقبال نے بتایا کہ ’یہ فیصل ٹاون کی بڑی فرنیچر کی دوکان تھی اور میں نے من مانگی رقم بھی اپنی بیٹی کے جہیز کے لیے ادا کی، اس کے باوجود بھی انتہائی گھٹیا قسم کی لکڑی استعمال کی گئی تو میں نے اسی وجہ سے بجائے خود جا کے کوئی بات کرنے کے سیدھا عدالت میں مقدمہ دائر کر دیا۔‘ دوسری طرف فرینچر دکان کے مالک محمد آصف نے اپنی غلطی عدالت کے روبرو تسلیم کر لی۔ انہوں نے عدالت کو بتایا کہ لکڑی انہوں نے بھی اوپن مارکیٹ سے خریدی تھی۔ لکڑی کے اندر گھن لگا ہوا تھا جو سطح سے واضع نہیں تھا جس وجہ سے یہ ایک تکلیف دہ صورت حال پیدا ہوئی۔ صارف عدالت نے فرنیچر دکان کے مالک کو حکم دیا کہ وہ پورے کے پورے فرنیچر کو تبدیل کریں نہ کہ صرف بیڈ کو۔ یہ حکم محمد آصف نے فوری طور پر قبول کر لیا۔ جس کے بعد عدالت نے مقدمہ نمٹا دیا۔ دوسری طرف جاوید اقبال نے بتایا کہ وہ صارف عدالت کے حکم سے مطمئن ہیں۔ انہوں نے کہا کہ مجھے اخروٹ کی لکڑی کا کہہ کر فرنیچر بیچا گیا کہ اس کو گھن نہیں لگتا۔ عدالت میں یہ بات واضع ہو گئی تھی کہ ان کے ساتھ غلط بیانی کر کے ان کو فرنیچر بیچا گیا۔ تاہم اب وہ مزید قانونی چارہ جوئی کا ارادہ نہیں رکھتے۔ انہوں نے بتایا کہ عدالتی حکم پر انہیں پورا فرنیچر نیا مل گیا ہے۔
- اسپانسرڈ اشتہار / Advertisement -
پسرور اور سیالکوٹ کے لیے سپانسرڈ بینر اسپیس
سیالکوٹ اور پنجاب بھر میں اپنے برانڈ کو نمایاں کریں
اشتہار بک کروائیں
Follow Apna Pasrur Official WhatsApp Channel
Get breaking news, instant alerts, and district updates directly on your WhatsApp
Related Tags & Topics:
More in this Category
