ٹک ٹاک پر پابندی آئینی حقوق کی خلاف ورزی، کیوں نہ ختم کر دی جائے: عدالت
- اسپانسرڈ اشتہار / Advertisement -
پسرور کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
اشتہار بک کروائیں
🎙️ اپنا پسرور ڈیپ ڈائیو (Google NotebookLM انداز)2-میزبان آڈیو پوڈکاسٹ
مستند قدرتی اردو گفتگو • میزبان: اسد اور عظمیٰ • اسٹوڈیو براڈکاسٹ
👨💼
اسد
میزبان و براڈکاسٹر
👩💼
عظمیٰ
تجزیہ کار و شریک میزبان
00:00--:--
🎧 مکمل پوڈکاسٹ سماعت کے لیے تیار ہے
مطالعہ کی سہولیات:
ٹک ٹاک پر پابندی آئینی حقوق کی خلاف ورزی، کیوں نہ ختم کر دی جائے: عدالت. چیف جسٹس اسلام آباد ہائی کورٹ جسٹس اطہر من اللہ نے ٹک ٹاک پر پابندی کے خلاف درخواست کی سماعت کرتے ہوئے کہا ہے کہ ’بادی النظر میں پلیٹ فارم کو بلاک کرنا آئین میں دیے گئے حقوق کی خلاف ورزی ہے، کیوں نہ عدالت ٹک ٹاک پر پابندی ختم کرنے کے احکامات جاری کر دے۔‘ پیر کو اسلام آباد ہائی کورٹ میں ٹک ٹاک کو پاکستان میں بلاک کرنے کے خلاف کیس کی سماعت کے دوران چیف جسٹس نے کہا کہ ’پی ٹی اے کی جانب سے جو رپورٹ جمع کرائی گئی ہے اس میں عدالت کے سوالات کے جوابات موجود نہیں۔ پی ٹی اے نے سندھ اور پشاور ہائی کورٹ میں بیان حلفی دیا کہ صرف ایک فیصد مواد قابل اعتراض ہے تو پھر باقی لوگوں اس پابندی سے کیوں متاثر ہو رہے ہیں۔‘ جسٹس اطہر من اللہ نے دوران سماعت ریمارکس دیے کہ 'متوسط طبقہ ٹک ٹاک کے ذریعے اپنے ٹیلنٹ کو اجاگر کرتا ہے اور کمائی کا ذریعہ بناتا ہے۔‘ اسلام آباد ہائی کورٹ نے آئندہ سماعت پر پی ٹی اے سے پابندی لگانے سے متعلق دلائل طلب کر لیے جبکہ سٹیک ہولڈرز سے کی گئی مشاورت کی تفصیلات بھی عدالت میں پیش کرنے کا حکم دیا ہے۔ جسٹس اطہر من اللہ نے کہا کہ ’اگلی سماعت پر پی ٹی اے عدالت کو مطمئن کرے۔‘ کیس کی مزید سماعت 22 نومبر تک ملتوی کر دی گئی۔ خیال رہے کہ پاکستان ٹیلی کمیونیکیشن اتھارٹی نے شارٹ ویڈیو شیئرنگ ایپلی کیشن ٹک ٹاک پر 21 جولائی کو پابندی عائد کی تھی۔ پی ٹی اے حکام کے مطابق یہ پابندی ایپ پر قابل اعتراض مواد کی وجہ سے لگائی گئی ہے۔ پی ٹی اے کے چیئرمین میجر جنرل (ر) عامر عظیم کے مطابق قابل اعتراض مواد کے حوالے سے سب سے زیادہ شکایات ٹک ٹاک سے متعلق موصول ہوتی ہیں۔
- اسپانسرڈ اشتہار / Advertisement -
پسرور اور سیالکوٹ کے لیے سپانسرڈ بینر اسپیس
سیالکوٹ اور پنجاب بھر میں اپنے برانڈ کو نمایاں کریں
اشتہار بک کروائیں
Follow Apna Pasrur Official WhatsApp Channel
Get breaking news, instant alerts, and district updates directly on your WhatsApp
