عمیرہ احمد (صدارتی تمغہ برائے حسنِ کارکردگی)

عمیرہ احمد عصرِ حاضر کی وہ عظیم مصنفہ ہیں جن کا خاندانی و ادبی تعلق خطۂ پسرور اور سیالکوٹ سے ہے۔ آپ نے مرے کالج سیالکوٹ سے انگریزی ادب میں ماسٹرز کیا اور آرمی برن ہال کالج ایبٹ آباد میں انگریزی کی تدریس کے فرائض انجام دیے۔

عمیرہ احمد کے ناول 'پیرِ کامل' (ﷺ) کو اردو ادب کی تاریخ میں سب سے زیادہ فروخت ہونے اور پڑھے جانے والے ناول کا اعزاز حاصل ہے، جس کے انگریزی، عربی اور دیگر زبانوں میں تراجم ہو چکے ہیں۔ ان کے تحریر کردہ ڈرامے جیسے 'زندگی گلزار ہے'، 'شہرِ ذات'، 'میری ذات ذرہ بے نشاں'، اور 'الف' نے پاکستان ٹیلی ویژن اور نجی چینلز پر ناظرین کے تمام ریکارڈ توڑ دیے۔

حکومتِ پاکستان نے ان کی گراں قدر ادبی خدمات کے اعتراف میں انہیں صدارتی تمغہ برائے حسنِ کارکردگی (Pride of Performance) سے نوازا۔