سپریم کورٹ، 25 سالہ لڑکی کے قتل کا ملزم شک کی بنیاد پر بری

اسلام آباد (نیوز ڈیسک): سپریم کورٹ نے ٹرائل کورٹ اور ہائیکورٹ کا فیصلہ کالعدم قرار دیتے ہوئے 25 سالہ لڑکی کے قتل میں ملوث ملزم کو شک کی بنیاد پر بری کر دیا۔

دوران سماعت، وکیل مدعی نے دلائل دیے کہ ملزم نے 25 سالہ مقتولہ سائمہ بی بی کو چھری سے ذبح کرکے قتل کر دیا تھا، ملزم مقتولہ کا ہمسایہ اور مقتولہ پر بری نظر رکھتا تھا، مقتولہ کا شوہر اور دیور اور ایک تیسرا شخص بھی واقعے کا گواہ۔

جسٹس ملک شہزاد نے ریمارکس دیے کہ ایف آئی آر کے مطابق ملزم اکیلا جبکہ وقوعہ کی تین گواہ ہیں۔ شوہر، دیور اور تیسرے شخص نے ملزم کو وقوعہ کے وقت روکا کیوں نہیں؟ مقتولہ کو ذبح کیا جا رہا تھا تو عینی شاہدین خاموش تماشائی بنے کھڑے رہے؟

وکیل مدعی نے کہا کہ مقتولہ کو ذبح کرنے سے قبل گلے میں دوپٹہ ڈال کر چارپائی سے باندھا گیا۔

جسٹس ملک شہزاد نے ریمارکس دیے کہ میڈیکل رپورٹ میں دوپٹے کے نشانات کا ذکر نہیں، دوپٹے کو فارنزک کے لیے کیوں نہیں دیا گیا؟ ہائیکورٹ نے بری نظر رکھنے اور چھری برآمدگی ہو اپنے فیصلے میں قابل بھروسہ نہیں لکھا۔