شاہ اللہ دتہ کی بدھا غاروں میں کون سے راز پوشیدہ ہیں؟ ویڈیو

اسلام آباد (نیوز ڈیسک): اسلام آباد : شاہ اللہ دتہ کی بدھا غاریں اسلام آباد میں سلسلہ کوہ مارگلہ کے دامن میں ایک قدیم گاؤں میں واقع ہیں، مذکورہ غاریں یونین کونسل 93 گاؤں پنڈ سنگڑیال اور خان پور جانے والے راستے پر مزار کے پاس واقع ہیں۔

شاہ اللہ دتہ کی قدیم بدھا غاریں، صدیوں پرانے تاریخی ورثے کے تحفظ اور بحالی منصوبے کا افتتاح مارگلہ کی پہاڑیوں میں واقع بدھ مت دور کی تاریخی غاریں، قدیم بودھ راہبوں کی عبادت گاہ اور شاہراہِ ریشم کے اہم راستے کی یادگار، حمزہ شہباز نے تحفظ و بحالی منصوبے کا افتتاح کردیا گیا۔

اسلام آباد کی مارگلہ پہاڑیوں میں واقع شاہ اللہ دتہ کی قدیم بدھا غاروں کے تحفظ اور بحالی کے لیے منصوبے کا افتتاح کردیا گیا۔

پاکستان مسلم لیگ (ن) کے سینئر رہنما اور سابق وزیراعلیٰ پنجاب حمزہ شہباز شریف نے گزشتہ روز اس تاریخی منصوبے کا افتتاح کیا۔

اس منصوبے کو پاکستان کے قدیم بدھ مت ورثے کے تحفظ، بحالی اور مشترکہ ثقافتی تاریخ کے فروغ کی جانب اہم پیش رفت قرار دیا جارہا۔

شاہ اللہ دتہ کی بدھا غاریں اسلام آباد کے مضافات میں مارگلہ کی پہاڑیوں کے دامن میں واقع ہیں۔ یہ تاریخی مقام اپنے اندر کئی صدیوں کی تہذیبی، مذہبی اور ثقافتی تاریخ سموئے ہوئے۔

تاریخ دانوں کے مطابق یہ غاریں بدھ مت کے اس دور کی یادگار ہیں جب ٹیکسلا علم و دانش اور بدھ مت کی تعلیمات کا ایک اہم مرکز ہوا کرتا تھا۔

روایات کے مطابق چوتھی صدی قبل مسیح میں بدھ راہب ان غاروں میں قیام کرتے، مراقبہ کرتے اور عبادت میں وقت گزارتے تھے۔ یہ مقام محض عبادت گاہ نہیں تھا بلکہ قدیم شاہراہِ ریشم اور اہم تجارتی راستوں کے قریب واقع ہونے کی وجہ سے مسافروں اور راہبوں کے لیے ایک اہم پڑاؤ بھی سمجھا جاتا تھا۔