دنیا میں تمباکو نوشی کرنے والوں کی تعداد کم ہو رہی ہے: عالمی ادارہ
- اسپانسرڈ اشتہار / Advertisement -
پسرور کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
اشتہار بک کروائیں
🎙️ اپنا پسرور ڈیپ ڈائیو (Google NotebookLM انداز)2-میزبان آڈیو پوڈکاسٹ
مستند قدرتی اردو گفتگو • میزبان: اسد اور عظمیٰ • اسٹوڈیو براڈکاسٹ
👨💼
اسد
میزبان و براڈکاسٹر
👩💼
عظمیٰ
تجزیہ کار و شریک میزبان
00:00--:--
🎧 مکمل پوڈکاسٹ سماعت کے لیے تیار ہے
مطالعہ کی سہولیات:
دنیا میں تمباکو نوشی کرنے والوں کی تعداد کم ہو رہی ہے: عالمی ادارہ. تمباکو نوشی سے ہر سال لاکھوں افراد پھیپھڑوں کی بیماری کا شکار ہو کر مرتے ہیں لیکن اب وقت گزرنے کے ساتھ ساتھ دنیا میں اس لت کے شکار افراد کی تعداد کم ہو رہی ہے۔ خبر رساں ایجنسی اے ایف پی کے مطابق عالمی ادارہ صحت نے کہا ہے کہ حالیہ برسوں میں تمباکو نوشی کرنے والوں کی تعداد بتدریج کم ہوئی ہے اور اس حوالے سے مزید اقدامات کرنے پر زور دیا ہے۔ ڈبلیو ایچ او کی جاری کی گئی رپورٹ کے مطابق 2020 میں یہ تعداد ایک ارب 30 کروڑ تھی، جبکہ دو برس قبل یہ تعداد ایک ارب 32 کروڑ تھی اور 2025 تک یہ ایک ارب 27 ہونے کی توقع ہے۔ عالمی ادارہ صحت کے سربراہ تیدروس ادہانوم نے کہا کہ ’یہ بہت حوصلہ افزا بات ہے کہ لوگ کم تعداد میں تمباکو نوشی کر رہے ہیں، لیکن ابھی لمبا راستہ ہے۔ تمباکو کمپنیوں اپنے مفافع کو بچانے کے لیے ہر ممکن کوشش کریں گی۔‘ تمباکو نوشی سے اموات رپورٹ کے مطابق تمباکو نوشی سے ہر سال 80 لاکھ افراد ہلاک ہوتے ہیں، جبکہ 12 لاکھ وہ افراد مر جاتے ہیں جن کے اردگرد تمباکو نوشی ہوتی ہے۔ مزید کہا گیا ہے کہ تعداد میں کمی کے باوجود اموات میں اضافہ ہوگا کیونکہ ’تمباکو انسان کو آہستہ آہستہ ختم کرتا ہے۔‘ ڈبلیو ایچ او کے مطابق دنیا میں 60 ممالک 2010 سے 2025 تک تمباکو نوشی 30 فیصد کم کرنے کی کوشش کر رہے ہیں۔ رپورٹ میں کہا گیا ہے کہ گذشتہ برس 36. 7 فیصد مرد اور 7. 8 فیصد خواتین تمباکو نوشی کر رہی تھیں۔ زیادہ تشویشناک بات یہ ہے کہ 13 سے 15 برس کے نوجوان بھی اس لت کا شکار ہیں۔ دنیا میں یورپ ایسا خطہ ہے جہاں سب سے زیادہ خواتین تمباکو نوشی کرتی ہیں۔
- اسپانسرڈ اشتہار / Advertisement -
پسرور اور سیالکوٹ کے لیے سپانسرڈ بینر اسپیس
سیالکوٹ اور پنجاب بھر میں اپنے برانڈ کو نمایاں کریں
اشتہار بک کروائیں
Follow Apna Pasrur Official WhatsApp Channel
Get breaking news, instant alerts, and district updates directly on your WhatsApp
