آخری فوجی ۔ اچھی زندگی کا انتخاب
- اسپانسرڈ اشتہار / Advertisement -
پسرور کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
اشتہار بک کروائیں
🎙️ اپنا پسرور ڈیپ ڈائیو (Google NotebookLM انداز)2-میزبان آڈیو پوڈکاسٹ
مستند قدرتی اردو گفتگو • میزبان: اسد اور عظمیٰ • اسٹوڈیو براڈکاسٹ
👨💼
اسد
میزبان و براڈکاسٹر
👩💼
عظمیٰ
تجزیہ کار و شریک میزبان
00:00--:--
🎧 مکمل پوڈکاسٹ سماعت کے لیے تیار ہے
مطالعہ کی سہولیات:
آخری فوجی ۔ اچھی زندگی کا انتخاب. دس سال سے جاری جنگِ عظیم کا پانسہ پلٹ چکا تھا۔ جاپانی، جو ایک وقت میں ایشیا کے بڑے حصے پر قابض تھے، اب ان کو پسپائی کا سامنا تھا۔ ان کی معیشت تباہ ہو چکی تھی۔ ایک کے بعد الگ جزیرے پر امریکی فوج قبضہ کرتی جا رہی تھی۔ شکست سامنے نظر آ رہی تھی۔ 26 دسمبر 1944 کو جاپانی امپرئیل آرمی نے سیکنڈ لیفٹیننٹ ہیرو اونوڈا کو ایک مشن سونپا۔ ان کو فلپائن کے جزیرہ لوبانگ میں جانا تھا۔ امریکی فوج کی پیش قدمی میں رکاوٹ ڈالنا تھی۔ ان کو ہدایت دی گئی کہ کچھ بھی ہو جائے، ہتھیار نہیں ڈالنے۔ لڑائی جاری رکھی ہے۔ ان کو اور ان کے کمانڈر کو پتا تھا کہ یہ موت کا مشن ہے۔ وہ اس سے واپس نہیں آئیں گے۔ فروری 1945 کو امریکی فوج لوبانگ پہنچ گئی۔ چند ہی روز میں زیادہ تر جاپانی فوجی مارے گئے یا انہوں نے ہتھیار ڈال دئے۔ یہ جزیرہ جاپان کے ہاتھ سے نکل گیا۔ لیکن اونوڈا اور ان کے ساتھ تین فوجی جنگل میں چھپ کر بچنے میں کامیاب ہو گئے۔ یہاں سے انہوں نے امریکی فوجیوں اور مقامی آبادی کے خلاف گوریلا جنگ شروع کر دی۔ ان کے ہتھیار چرا لیتے، کسی بھولے بھٹکے فوجی کو مار دیتے۔ جو نقصان جس طرح ممکن ہوتا، ویسے پہنچاتے۔ اس سال اگست میں تاریخِ انسانی کا یہ ہولناک ترین باب ہیروشیما اور ناگاساکی کے اوپر برسنی والی تباہی کے بعد اپنے ڈرامائی اختتام کو پہنچا۔ بحرالکاہل کے جزائر میں ابھی ہزاروں جاپانی فوجی بکھرے ہوئے تھے، اس سے بے خبر کہ جنگ ختم ہو چکی ہے۔ یہ لڑتے رہے۔ مشرقی ایشیا میں ان کی لڑائی ان ممالک کے لئے مسئلہ تھی۔ کچھ کئے جانا ضروری تھا۔ امریکی فوج نے جاپانی حکومت کے ساتھ مل کر ان جزائر کے اوپر ہزارہا پمفلٹ گرائے کہ جنگ ختم ہو گئی۔ اب گھر جانے کا وقت ہے۔ دوسروں کی طرح یہ اونوڈا تک بھی پہنچے لیکن دوسروں کے برعکس اونوڈا نے ان کو تسلیم کرنے سے انکار کر دیا۔ ان کو دیکھ کر فیصلہ کیا کہ یہ جعلی ہیں اور امریکیوں کو بچھایا گیا جال ہے تا کہ گوریلا جنگجووٗں کو پکڑا جا سکے۔ ان کو جلا دیا اور لڑائی جاری رکھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پانچ برس گزر گئے۔ یہ پمفلٹ پھینکے جانا بھی ختم ہو چکا تھا۔ امریکی افواج واپس اپنے ملک جا چکی تھیں۔ لوباننگ کی مقامی آبادی واپس معمولاتِ زندگی کی طرف جانا چاہ رہی تھی۔ مچھلیاں پکڑنے، چاول اگانے جیسے معمولات تک۔ اونوڈا اور ان کے ساتھی موقع ملنے پر ان کے کھیتوں میں آگ لگا دیتے تھے۔ ان کے جانور چرا لیتے تھے۔ اور جو مقامی اس جنگل میں دور تک نکل جائے، اس کو مار دیتے تھے۔ اب فلپائنی حکومت نے ان سے ہتھیار ڈلوانے کی کوشش کی۔ انہوں نے جنگل میں اشتہارات پھینکے کہ جاپانی ہار گئے ہیں، جنگ بند ہو گئی ہے۔ ان کو بھی نظرانداز کر دیا گیا۔ جاپانی حکومت نے 1952 میں ایک اور کوشش کی۔ اس بار ان کی فیملی سے خطوط لکھوائے گئے، ان کی تصاویر لی گئیں، بادشاہ سے نوٹ لکھوایا گیا اور اس کو پھینکا گیا۔ اونوڈا نے اس کو بھی حقیقی ماننے سے انکار کر دیا۔ اس کو بھی امریکیوں کی چال قرار دیا۔ بحرالکاہل کے اس جزیرے پر ان کے لئے جنگ جاری رہی۔ کچھ اور سال گزر گئے۔ یہاں کے مقامیوں نے اپنے آپ کو مسلح کر لیا کہ ان سے مقابلہ کر سکیں۔ 1959 تک اونوڈا کے ایک ساتھی مارے جا چکے تھے، ایک نے ہتھیار ڈال دئے تھے۔ اگلی دہائی گزر گئی۔ اونوڈا کے آخری ساتھی کوزوکا کھیت کو آگ لگانے کی کوشش میں گولی کا نشانہ بن گئے۔ اب اونوڈا اکیلے رہ گئے تھے۔ 1972 میں کوزوکا کی موت کی خبر جاپان پہنچی اور یہ بڑی خبر بنی۔ جاپانیوں کا خیال تھا کہ سب فوجی برسوں پہلے واپس آ چکے ہیں۔ جاپانی میڈیا پر قیاس آرائی ہونے لگی۔ اگر کوزوکا 1972 تک لڑتے رہے تھے تو کیا پتا اونوڈا بھی ابھی زندہ ہوں۔ اونوڈا کی شہرت اس جزیرے پر کچھ حقیقت، کچھ افسانہ اور کسی بھوت کی طرح ہو چکی تھی۔ لوگوں نے سنا تھا، حرکتیں دیکھی تھیں، اس شخص کو کبھی نہیں۔ سرچ پارٹی بھیجی گئی، اونوڈا نہیں ملے۔ اونوڈا جاپان میں ایک کہانی بن چکے تھے۔ کچھ کے لئے رومانوی۔ کچھ کے لئے خبطی۔ کچھ کے لئے دیومالائی کہانی۔ اس وقت ایک مہم جو نوجوان نوریو سوزوکی نے ان کو تلاش کرنے کا بیڑا اٹھایا۔ سوزوکی خود ایک آزاد منش اور کچھ خبطی آوارہ گرد تھے جن کا کام ایڈونچر تلاش کرنا تھا۔ اکیلے ہی لوبانگ پہنچ گئے۔ جنگل میں گھومتے اور اونوڈا کو آوازیں دیتے کہ وہ شاہِ جاپان کا پیغام لے کر آئے ہیں۔ چند روز میں سوزوکی نے اونوڈا کو ڈھونڈ نکالا۔ ۔۔۔۔۔۔۔۔۔۔۔۔۔۔۔۔۔۔۔۔۔ اس وقت تک اونوڈا ایک سال سے بالکل تنہا تھے۔ سوزوکی نے ان سے پوچھا کہ وہ ابھی تک کیوں لڑ رہے ہیں۔ اونوڈا نے جواب دیا کہ جب انہیں بھیجا گیا تھا تو حکم ملا تھا کہ کچھ بھی ہو جائے، ہتھیار نہیں ڈالنے، لڑتے رہنا ہے۔ وہ حکم عدولی نہیں کر سکتے۔ تیس سال سے وہ دئے گئے ایک آرڈر کی تعمیل کر رہے تھے اور جب تک ان کے افسر کا آرڈر ہے، وہ واپس نہیں جائیں گے۔ سوزوکی ان کی تصاویر لے کر واپس جاپان چلے گئے۔ سوزوکی کی اس دریافت کے بعد اونوڈا کے کمانڈر تانی گوچی، جنہوں نے اونوڈا کو یہ مشن دیا تھا، باقاعدہ آرڈر لے کر 9 مارچ 1974 کو اونوڈا کے پاس آئے اور اونوڈا کو جاپان لے گئے۔ دوسری جنگِ عظیم کی تین دہائیوں کے بعد اونوڈا کے لئے جنگ ختم ہو گئی تھی۔ ساتھ لگی تصویر 11 مارچ 1974 کو لی گئی ہے جس میں اونوڈا اپنی فوجی تلوار فلپائن کے صدر مارکوس کے حوالے کر رہے ہیں۔ wikipedia. org/wiki/Hiroo_Onoda
- اسپانسرڈ اشتہار / Advertisement -
پسرور اور سیالکوٹ کے لیے سپانسرڈ بینر اسپیس
سیالکوٹ اور پنجاب بھر میں اپنے برانڈ کو نمایاں کریں
اشتہار بک کروائیں
Follow Apna Pasrur Official WhatsApp Channel
Get breaking news, instant alerts, and district updates directly on your WhatsApp
