سرسبز کسانوں نے پنجاب کی گندم پیداوار کے مقابلے 26-2025 میں تینوں صوبائی پوزیشنز اپنے نام کرلیں
پسرور کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
مستند قدرتی اردو گفتگو • میزبان: اسد اور عظمیٰ • اسٹوڈیو براڈکاسٹ
میزبان و براڈکاسٹر
تجزیہ کار و شریک میزبان
📌 اہم نکات (خلاصہ):
- فاطمہ فرٹیلائزر نے سرسبز کی جیت گندم پیداوار مقابلے کے تحت منعقدہ تقریبِ تقسیمِ انعامات میں کامیاب کسانوں کی کارکردگی کو سراہا۔
- تقریب میں وفاقی وزیر برائے قومی غذائی تحفظ و تحقیق، جناب رانا تنویر حسین نے آن لائن شرکت کی جبکہ ایڈیشنل چیف سیکریٹری پنجاب، جناب افتخار علی ساہو سیکرٹری زراعت پنجاب۔
- سرسبز استعمال کرنے والے کسانوں نے 40 میں سے 39 اضلاع میں پہلی پوزیشن حاصل کی، جبکہ صوبائی سطح پر بھی تینوں پوزیشنز اپنے نام کیں۔
اپنا پسرور (مانیٹرنگ ڈیسک): سرسبز کسانوں نے پنجاب کی گندم پیداوار کے مقابلے 26-2025 میں تینوں صوبائی پوزیشنز اپنے نام کرلیں۔
فاطمہ فرٹیلائزر نے سرسبز کی جیت گندم پیداوار مقابلے کے تحت منعقدہ تقریبِ تقسیمِ انعامات میں کامیاب کسانوں کی کارکردگی کو سراہا۔ پنجاب حکومت کے زیرِ اہتمام گندم پیداوار مقابلہ 26-2025 میں سرسبز نائٹروفاس اور کیلشیم امونیم نائٹریٹ (CAN) استعمال کرنے والے کسانوں نے صوبائی سطح پر پہلی تینوں پوزیشنز جبکہ ضلعی سطح پر مجموعی طور پر 120 میں سے 119 پوزیشنز حاصل کیں۔
تقریب میں وفاقی وزیر برائے قومی غذائی تحفظ و تحقیق، جناب رانا تنویر حسین نے آن لائن شرکت کی جبکہ ایڈیشنل چیف سیکریٹری پنجاب، جناب افتخار علی ساہو سیکرٹری زراعت پنجاب، جناب شکیل احمد میاں اور صدر پاکستان کسان اتحاد، جناب خالد کھوکھرسمیت دیگر معزز شخصیات تقریب میں موجود تھے۔
سرسبز استعمال کرنے والے کسانوں نے 40 میں سے 39 اضلاع میں پہلی پوزیشن حاصل کی، جبکہ صوبائی سطح پر بھی تینوں پوزیشنز اپنے نام کیں۔ مظفرگڑھ سے تعلق رکھنے والے جناب سجاد حسین نے فی ایکڑ 69 من اور 39.4 کلوگرام پیداوار کے ساتھ پہلی صوبائی پوزیشن حاصل کی۔ اٹک کے جناب شفیق احمد نے فی ایکڑ 69 من اور 39.1 کلوگرام پیداوار کے ساتھ دوسری، جبکہ رحیم یار خان کے جناب محمد اصغر نے فی ایکڑ 69 من اور 24.1 کلوگرام پیداوار کے ساتھ تیسری پوزیشن حاصل۔
تقریب کے دوران صوبائی سطح پر کامیاب ہونے والے تینوں کسانوں کو ٹریکٹرز انعام میں دیے گئے، جبکہ ضلعی سطح پر پوزیشن حاصل کرنے والے کسانوں کو ہونڈا سی ڈی 70 موٹر سائیکلیں اور ایل ای ڈی ٹی وی(LED-TVs)سے نوازا گیا۔
وفاقی وزیر برائے قومی غذائی تحفظ و تحقیق، رانا تنویر حسین نے تقریب سے آن لا ئن خطاب کرتے ہوئے کہا کہ میں فاطمہ فرٹیلائزر اور سرسبز کھاد استعمال کرنے والے تمام کسانوں کو پنجاب گندم پیداوار کے مقابلے میں تینوں صوبائی پوزیشنز اور ضلعی سطح پر 120 میں سے 119 پوزیشنز حاصل کرنے پر مبارکباد پیش کرتا ہوں، گندم کی پیداوار اور فی ایکڑ پیداوار میں اضافے کے لیے اقدامات ملک کے غذائی تحفظ کو مضبوط بنانے کے لیے ضروری ہیں۔
انہوں نے کہا کہ وفاقی حکومت صوبائی حکومتوں کے اشتراک سے گندم کے ایک ایک دانے کی خریداری یقینی بنانے کے لیے پُرعزم ہے، حکومت کسانوں کو معیاری بیج، جدید ٹیکنالوجی اور زرعی قرضوں تک بہتر رسائی فراہم کرنے کے لیے بھی اقدامات کر رہی۔
پسرور اور سیالکوٹ کے لیے سپانسرڈ بینر اسپیس
سیالکوٹ اور پنجاب بھر میں اپنے برانڈ کو نمایاں کریں
اپنا پسرور کا آفیشل واٹس ایپ چینل فالو کریں
تمام بریکنگ نیوز، فوری الرٹس اور تصویری خبریں براہِ راست اپنے واٹس ایپ پر مفت پائیں
