24 میں سے صرف 8 گھنٹے گیس فراہمی کا پلان ! صارفین کے لیے اہم خبر آگئی

اسلام آباد (نیوز ڈیسک): اسلام آباد : پاکستان میں سردیوں کے دوران گیس کی قلت کے باعث گھریلو صارفین کو روزانہ 16 گھنٹے تک گیس کی لوڈشیڈنگ کا سامنا کرنا پڑ سکتا۔

تفصیلات کے مطابق پاکستان میں سردیوں کی آمد کے ساتھ ہی گیس کا شدید بحران سر اٹھانے لگا ہے، طلب اور رسد میں بڑھتے ہوئے فرق کے پیشِ نظر حکومت گھریلو صارفین کے لیے روزانہ 16 گھنٹے تک گیس کی فراہمی معطل کرنے پر غور کر رہی۔

وزارتِ پٹرولیم کی جانب سے تیار کردہ ونٹر گیس مینجمنٹ پلان کے تحت گھریلو صارفین کو 24 گھنٹوں میں سے صرف 8 گھنٹے گیس فراہم کی جائے۔

گیس کی فراہمی کو تین بنیادی اوقات (ناشتے، دوپہر اور رات کے کھانے) کے لیے ترجیح دی جائے گی، جبکہ دن اور رات کے باقی اوقات میں سپلائی مکمل طور پر معطل رہے۔

وزارتِ پیٹرولیم نے مجوزہ منصوبے کی تیاری مکمل کرلی ہے اور اس حوالے سے وزیراعظم شہباز شریف کو بریفنگ دیے جانے کا امکان ہے۔ تاہم حکومت کی جانب سے تاحال منصوبے کی حتمی منظوری یا گیس کی فراہمی کے اوقات کا باضابطہ اعلان نہیں کیا گیا۔

حکومتی پالیسی کی حتمی منظوری کے بعد ملک کی دو بڑی تقسیم کار کمپنیاں سوئی ناردرن اور سوئی سدرن اپنے اپنے علاقوں کے لیے الگ الگ شیڈول کا باضابطہ اعلان کریں۔

اس وقت ایس این جی پی ایل گھریلو صارفین کو روزانہ 487 ملین کیوبک فٹ اور ایس ایس جی سی 286 ملین کیوبک فٹ (مجموعی طور پر 773 ملین کیوبک فٹ) گیس فراہم کر رہی ہے، تاہم شدید سردی میں طلب بڑھنے سے نظام پر مزید دباؤ آئے۔

گیس کی 16 گھنٹے کی مجوزہ بندش سے بجلی کے بھاری بلوں اور مہنگائی سے پسے ہوئے شہریوں کی مشکلات میں مزید اضافہ ہوگا۔