نئے کرنسی نوٹوں کا ڈیزائن: سٹیٹ بینک کا آرٹ مقابلہ اختتام پذیر، فنکاروں کے ناموں کا اعلان

سٹیٹ بینک آف پاکستان نے اپنی نئی کرنسی سیریز کے ڈیزائن کے لیے منعقد ہونے والے آرٹ مقابلے کے نتائج کا اعلان کر دیا ہے، جس میں ملک بھر کے مقامی فنکاروں نے شرکت کی۔ جمعرات کو جاری کی گئی پریس ریلیز کے مطابق، مختلف کرنسی نوٹوں کے لیے شارٹ لسٹ کیے گئے ڈیزائنز اور جیتنے والے فنکاروں کے نام سامنے آگئے ہیں۔

سٹیٹ بینک کے ساتھ کام کرنے والے بین الاقوامی ڈیزائنرز ان مقامی آرٹسٹوں کے ڈیزائنز سے رہنمائی لے لیں (فوٹو: اے ایف پی)

10 روپے کے بینک نوٹ کا ڈیزائن

ڈاکٹر شیری عابدی نے 10 روپے کے نوٹ کا پہلا انعام جیتا جبکہ دوسری پوزیشن مرزا سفیان کو ملی۔

20 اور 50 روپے کے نوٹ

20 روپے کے نوٹ کے لیے ہارون خان اور 50 روپے کے لیے سید فواد حسین کو بہترین ڈیزائن کا انعام دیا گیا۔

100 اور 5000 روپے کے نوٹ

میمونا افضل نے 100 روپے اور 5000 روپے کے نوٹوں کے ڈیزائن میں شاندار کارکردگی دکھائی اور دونوں کیٹیگریز میں پہلا انعام اپنے نام کیا۔

500 روپے کے نوٹ

500 روپے کے نوٹ کے لیے پہلا انعام ہادیہ حسن کو ملا، جبکہ عینی زہرا نے دوسرا انعام حاصل کیا۔

1000 روپے کا نوٹ

1000 روپے کے نوٹ کے لیے نورین اسلم نے پہلا انعام حاصل کیا، جبکہ 5000 روپے کے نوٹ کی دوسری پوزیشن کریم محمد کے حصے میں آئی۔

سینیٹ کی قائمہ کمیٹی برائے خزانہ کے حالیہ اجلاس میں سٹیٹ بینک کے گورنر نے اعلان کیا کہ تمام کرنسی نوٹوں کا نیا ڈیزائن دسمبر تک مکمل ہو جائے گا، جس کے بعد باقاعدہ منظوری سے یہ نوٹ جاری کیے جائیں گے۔

یہ مقابلہ نہ صرف مقامی فنکاروں کو اپنی تخلیقی صلاحیتیں دکھانے کا موقع فراہم کرتا ہے بلکہ پاکستان کی مالیاتی تاریخ میں ایک نئی جدت کی علامت بھی ثابت ہو گا۔ نئے ڈیزائنوں کے ساتھ، ملک کی کرنسی میں ایک منفرد ثقافتی اور فنکارانہ پہچان شامل کی جا رہی ہے۔