پی ڈی ایم کا 12 ربیع الاول کے بعد حکومت کے خلاف ملک گیر مظاہروں کا اعلان

انہوں نے کہا کہ ’عام آدمی کو مہنگائی کے خلاف باہر نکلنا ہو گا۔ پوری قوم سے درخواست ہے کہ مظاہروں میں شریک ہوں۔‘انہوں نے کہا کہ پیر کو اسلام آباد میں پی ڈی ایم کا سربراہی اجلاس ہو گا۔’مہنگائی کے خلاف احتجاج کا پہلا مرحلہ مکمل ہونے کے بعد پی ڈی ایم اگلے مرحلے کا اعلان کرے گی۔حکومت کو تنقید کا نشانہ بناتے ہوئے فضل الرحمان کا کہنا تھا کہ حکومت آئی ایم ایف کے مفادات کا تحفظ کررہی ہے لیکن ہم نے عوام کے مفادات میں نکلنے کا فیصلہ کیا ہے۔ان کا کہنا تھا کہ چار ماہ میں حکومت آٹھ بار پٹرول کی قیمتوں میں اضافہ کر چکی ہے۔ یہ ایک کرپٹ ترین حکومت ہے۔خیال رہے کہ اس سے قبل پاکستان مسلم لیگ ن کے صدر و قومی اسمبلی میں قائد حزب اختلاف شہباز شریف اور مولانا فضل الرحمان کے درمیان ٹیلی فون پر رابطہ ہوا تھا۔ٹیلی فونک رابطے میں دونوں رہنماؤں نے مہنگائی کے خلاف تحریک چلانے کا فیصلہ کیا۔