’ضمیر اجازت نہیں دیتا‘ لاہور ہائیکورٹ کے جج جسٹس محسن اختر کیانی نے استعفیٰ دے دیا

لاہور (خصوصی نامہ نگار): لاہور(28 اکتوبر 2026): اسلام آباد ہائیکورٹ سے لاہور ہائیکورٹ منتقل ہونے والے نامور جج جسٹس محسن اختر کیانی نے اپنے عہدے سے استعفیٰ دے دیا ہے اور اپنا استعفیٰ صدرِ مملکت آصف علی زرداری کو بھجوا دیا۔

استعفے کے متن کے مطابق، جسٹس محسن اختر کیانی نے مؤقف اختیار کیا ہے کہ 26ویں اور 27ویں آئینی ترامیم کے بعد ملک میں عدلیہ کی آزادی شدید متاثر ہوئی ہے اور ان ترامیم کے منفی اثرات سے عام آدمی بھی بری طرح متاثر ہو رہا۔

انہوں نے اپنے استعفے میں سخت تحفظات کا اظہار کرتے ہوئے کہا کہ اب ججز کی تعیناتی اور تبادلے بھی انتظامیہ کی جانب سے کیے جا رہے ہیں، جس میں عدالتی امور میں کھلی مداخلت کی جا رہی۔

جسٹس محسن اختر کیانی نے مزید لکھا کہ انتظامیہ کی اس طرح کی مداخلت کے باعث عوام کا عدلیہ پر سے اعتماد مسلسل ختم ہو رہا ہے، اور موجودہ حالات میں ان کا ضمیر اس بات کی اجازت نہیں دیتا کہ وہ بطور جج اپنا کام جاری رکھ سکیں۔

انہوں نے اپنے فیصلے کی وضاحت کرتے ہوئے کہا کہ انہیں محسوس ہوتا ہے کہ اب وہ وقت آ گیا ہے کہ وہ بطور جج اپنے عہدے سے سبکدوش ہو جائیں۔ تاہم، انہوں نے عزم ظاہر کیا کہ استعفے کے باوجود وہ آئین کی بالادستی اور قانون کی حکمرانی کے لیے اپنا کردار جاری رکھیں۔

واضح رہے کہ رواں برس اپریل میں جوڈیشل کمیشن نے جسٹس محسن اختر کیانی کا اسلام آباد ہائی کورٹ سے لاہور ہائی کورٹ تبادلہ منظور کیا تھا، جبکہ اس دوران دیگر ججز کے تبادلے بھی کیے گئے تھے۔