سیالکوٹ ایئرپورٹ پر تقریباً 10 سال سے گراؤنڈ فلائی جیٹ ایشین ایئرویز کا بوئنگ طیارہ 4 لاکھ 5 ہزار امریکی ڈالر میں نیلام

سیالکوٹ: سیالکوٹ انٹرنیشنل ایئرپورٹ پر 29 اگست 2017 سے گراؤنڈ فلائی جیٹ ایشین ایئرویز کا بوئنگ مسافر طیارہ عدالتی حکم پر 4 لاکھ 5 ہزار امریکی ڈالر میں نیلام کر دیا گیا۔ باوثوق ذرائع کے مطابق دبئی کی ایک کمپنی نے طیارہ خرید لیا ہے۔

طویل عرصے تک کھلی فضا میں کھڑے رہنے کے باعث طیارہ بوسیدہ ہو چکا تھا، جبکہ اسے دوبارہ آپریشنل بنانے پر نیلامی کی قیمت کے برابر مزید اخراجات متوقع تھے۔ یہی وجہ ہے کہ سیالکوٹ سمیت دیگر شہروں کی کاروباری برادری نے اس میں خاص دلچسپی ظاہر نہیں کی۔

ذرائع کے مطابق طیارہ ساز کمپنی کے دیوالیہ ہونے کے بعد طیارہ گراؤنڈ کیا گیا تھا، جس کے نتیجے میں ایئرپورٹ پارکنگ اور دیگر مدات میں لاکھوں ڈالر کے واجبات جمع ہو گئے تھے۔ عدالتی حکم کے تحت نیلامی سے حاصل ہونے والی رقم سے یہ واجبات وصول کر لیے گئے ہیں۔