اینٹی ریپ ایکٹ، 2 ٹک ٹاکرز عروج اور مسکان گرفتار

پسرور کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
📌 اہم نکات (خلاصہ):
- پنجاب کے ضلع بہاولنگر کی تحصیل ہارون آباد میں پولیس نے دو ٹک ٹاکرز ساجدہ عرف عروج اور ملائکہ عرف مسکان کو اینٹی ریپ ایکٹ کے تحت گرفتار کر لیا۔
- پولیس کے مطابق دونوں خواتین پر الزام ہے کہ وہ شہریوں کو سوشل میڈیا کے ذریعے ہنی ٹریپ کر کے بلیک میل کرتی تھیں۔
- پولیس کا کہنا ہے کہ خواتین کے خلاف کارروائی جھوٹے مقدمات کے ذریعے شہریوں کو پھنسانے اور بلیک میل کرنے کے الزامات کے تحت کی گئی۔
اپنا پسرور (مانیٹرنگ ڈیسک): ہارون آباد: اینٹی ریپ ایکٹ کے تحت 2 ٹک ٹاکرز کو گرفتار کیا گیا ہے، جن پر شہریوں کو ہنی ٹریپ کر کے بلیک میل کرنے کا الزام۔
پنجاب کے ضلع بہاولنگر کی تحصیل ہارون آباد میں پولیس نے دو ٹک ٹاکرز ساجدہ عرف عروج اور ملائکہ عرف مسکان کو اینٹی ریپ ایکٹ کے تحت گرفتار کر لیا۔
پولیس کے مطابق دونوں خواتین پر الزام ہے کہ وہ شہریوں کو سوشل میڈیا کے ذریعے ہنی ٹریپ کر کے بلیک میل کرتی تھیں۔ دونوں مبینہ طور پر شہریوں کے خلاف زیادتی کے متعدد مقدمات بھی درج کروا چکی ہیں۔
پولیس کا کہنا ہے کہ خواتین کے خلاف کارروائی جھوٹے مقدمات کے ذریعے شہریوں کو پھنسانے اور بلیک میل کرنے کے الزامات کے تحت کی گئی۔
ترجمان پولیس کا کہنا ہے کہ بہاولنگر میں اینٹی ریپ قوانین پر مؤثر عمل درآمد پر خصوصی توجہ دی جا رہی ہے، اس سلسلے میں ڈی پی او محمد عمران کی ہدایت پر جھوٹے مقدمات درج کروانے والوں کے خلاف کریک ڈاؤن کیا جا رہا۔
ترجمان پولیس کے مطابق گرفتار خواتین نے بدنیتی کی بنیاد پر بے گناہ شہریوں کے خلاف من گھڑت مقدمات درج کروائے تھے، جن سے پولیس کا قیمتی وقت ضائع ہوا اور معزز شہریوں کی ساکھ متاثر ہوئی، تھانہ سٹی ہارون آباد پولیس نے ٹھوس شواہد کی روشنی میں دونوں ملزمان خواتین کے خلاف مقدمات درج کر لیے ہیں۔
ڈی پی او محمد عمران کا کہنا تھا کہ خواتین کا تحفظ اوّلین ترجیح ہے تاہم جھوٹی درخواستیں دینے والوں سے آہنی ہاتھوں سے نمٹا جائے۔
پسرور اور سیالکوٹ کے لیے سپانسرڈ بینر اسپیس
سیالکوٹ اور پنجاب بھر میں اپنے برانڈ کو نمایاں کریں
اپنا پسرور کا آفیشل واٹس ایپ چینل فالو کریں
تمام بریکنگ نیوز، فوری الرٹس اور تصویری خبریں براہِ راست اپنے واٹس ایپ پر مفت پائیں











