لاہور ہائیکورٹ نے 2 سالہ بچی کی موت کے کیس میں ملزم کو بری کر دیا
پسرور کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
مستند قدرتی اردو گفتگو • میزبان: اسد اور عظمیٰ • اسٹوڈیو براڈکاسٹ
میزبان و براڈکاسٹر
تجزیہ کار و شریک میزبان
📌 اہم نکات (خلاصہ):
- عدالت نے قرار دیا کہ استغاثہ ملزم کے خلاف الزام ثابت کرنے میں ناکام رہا، ملزم کی فوری رہائی کا حکم بھی جاری کر دیا گیا۔
- جسٹس طارق سلیم شیخ نے شاہ نواز کی جیل اپیل پر 14 صفحات پر مشتمل فیصلہ جاری کیا، جسے عدالتی نظیر قرار دیا گیا۔
- فیصلے کے مطابق مدعیہ سکینہ بی بی نے دورانِ جرح تسلیم کیا کہ اس نے خود حادثہ نہیں دیکھا۔
لاہور (خصوصی نامہ نگار): لاہور ہائیکورٹ نے ٹریکٹر تلے کچل کر 2 سالہ بچی کی موت کے مقدمے میں ملزم شاہ نواز کی سزا کالعدم قرار دیتے ہوئے اسے بری کر دیا۔
عدالت نے قرار دیا کہ استغاثہ ملزم کے خلاف الزام ثابت کرنے میں ناکام رہا، ملزم کی فوری رہائی کا حکم بھی جاری کر دیا گیا۔
جسٹس طارق سلیم شیخ نے شاہ نواز کی جیل اپیل پر 14 صفحات پر مشتمل فیصلہ جاری کیا، جسے عدالتی نظیر قرار دیا گیا ہے۔ ٹرائل کورٹ نے ملزم کو 20 لاکھ 55 ہزار روپے دیت ادا کرنے کی سزا سنائی تھی، جسے سیشن کورٹ نے بھی برقرار رکھا تھا، تاہم ہائیکورٹ نے دونوں عدالتوں کے فیصلے کالعدم قرار دے دیے۔
فیصلے کے مطابق مدعیہ سکینہ بی بی نے دورانِ جرح تسلیم کیا کہ اس نے خود حادثہ نہیں دیکھا۔ بچی کے والد کے بیان میں بہتری اور دفعہ 161 کے بیان سے تضاد بھی سامنے آیا۔ بچی کی والدہ کلثوم بی بی کو بطور گواہ پیش نہ کرنے پر عدالت نے استغاثہ کے خلاف منفی قیاس آرائی۔
عدالت نے قرار دیا کہ مقدمے کی ایف آئی آر 6 ماہ 26 دن کی تاخیر سے درج کی گئی، جس کی کوئی معقول وضاحت پیش نہیں کی جاسکی۔ تفتیشی افسر نے بھی اعتراف کیا کہ کسی ڈرائیور نے جان بوجھ کر ٹریکٹر نہیں چڑھایا۔ برآمد کیا گیا ٹریکٹر بھی عدالت میں پیش نہیں کیا گیا اور اسے واقعے سے منسلک کرنے کے لیے کوئی فرانزک ثبوت موجود نہیں تھا۔
پسرور اور سیالکوٹ کے لیے سپانسرڈ بینر اسپیس
سیالکوٹ اور پنجاب بھر میں اپنے برانڈ کو نمایاں کریں
اپنا پسرور کا آفیشل واٹس ایپ چینل فالو کریں
تمام بریکنگ نیوز، فوری الرٹس اور تصویری خبریں براہِ راست اپنے واٹس ایپ پر مفت پائیں
