صوبے کا فیصلہ کرنا صرف عوام کا حق ہے، فریال تالپور

لاہور (خصوصی نامہ نگار): پاکستان پیپلز پارٹی (پی پی پی) ویمن ونگ کی صدر فریال تالپور نے پنجاب میں پارٹی سیاسی طور پر کمزور نہیں ہے، میں پارٹی امور کی نگرانی، تنظیم کو مضبوط بنانے اور کارکنوں کے ساتھ براہِ راست رابطے میں رہنے کے لیے آئی ہوں۔

لاہور میں صحافیوں سے گفتگو کرتے ہوئے فریال تالپور نے کہا کہ وہ پی پی پی پنجاب کی قیادت کی دعوت پر آئی ہیں۔ انہوں نے اس بات پر زور دیا کہ پارٹی کی موجودگی پورے ملک میں ہے اور وہ پنجاب میں اپنی پوزیشن کو مستحکم کرنے کے لیے پرعزم ہے۔ انہوں نے مزید کہا کہ ان کے دورے کا مقصد کارکنوں اور رہنماؤں سے ملاقات کرنا اور تنظیمی امور کا جائزہ لینا۔

نئے صوبوں کے قیام سے متعلق سوال پر فریال تالپور نے کہا کہ اس کا فیصلہ متعلقہ عوام پر منحصر ہے اور یہ فیصلہ کرنا صوبے کے رہائشیوں کا کام ہے کہ آیا وہ ایک الگ صوبہ چاہتے ہیں یا نہیں جبکہ ہمارے ساتھ ابھی تک اس حوالے سے کوئی مسودہ شیئر نہیں کیا گیا۔

انہوں نے اس تاثر کو بھی غلط قرار دیا کہ مسلم لیگ (ن) حکومتی امور پر توجہ دے گی جبکہ پیپلز پارٹی سیاسی معاملات پر مرکوز رہے گی۔ انہوں نے صحافیوں کو تھرپارکر کا دورہ کرنے کی دعوت دی تاکہ وہ پی پی پی کی زیرِ قیادت سندھ حکومت کی جانب سے مکمل کیے گئے ترقیاتی منصوبوں کو دیکھ سکیں؛ انہوں نے کہا کہ سندھ میں پارٹی کا ریکارڈ ترقی اور عوامی بہبود کے لیے اس کے عزم کی عکاسی کرتا۔

اس سوال پر کہ کیا ان کے پنجاب کے دورے وزیراعلیٰ مریم نواز کے ساتھ سیاسی مسابقت کی علامت ہیں، خاص طور پر چونکہ دونوں خواتین رہنما ہیں۔

فریال تالپور نے اس کی سختی سے تردید کی۔ انہوں نے کہا کہ وہ کسی کے ساتھ مقابلہ کرنے نہیں آئیں، بلکہ کارکنوں اور رہنماؤں سے ملنے اور پارٹی کو مضبوط کرنے آئی ہیں۔

پریس کانفرنس میں پی پی پی سینٹرل پنجاب کے صدر راجہ پرویز اشرف، جنرل سیکرٹری سید حسن مرتضیٰ، سینئر رہنما قمر زمان کائرہ، چوہدری منظور، شہزاد سعید چیمہ، رانا جواد، احسن رضوی اور عائشہ نواز بھی موجود تھیں۔