کمسن ملازمہ فاطمہ اصغر کو الیکٹرک آئرن سے جلایا گیا اور مسلسل ٹارچر کیا جاتا رہا، پراسیکیوٹر کا انکشاف

پسرور کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
📌 اہم نکات (خلاصہ):
- تفصیلات کے مطابق ڈسٹرکٹ اینڈ سیشن کورٹ میں 13 سالہ کمسن گھریلو ملازمہ فاطمہ اصغر کے قتل کیس کی سماعت ہوئی، جس کے دوران گرفتار ملزمان افشاں اور قاری علی کو جوڈیشل مجسٹریٹ کی عدالت میں پیش کیا گیا۔
- سماعت کے دوران پراسیکیوٹر واجد منیر نے عدالت کو بتایا کہ دورانِ تفتیش ملزمہ افشاں کے قبضے سے الیکٹرک آئرن جبکہ ملزم قاری علی سے ڈنڈا برآمد کر لیا گیا۔
- پراسیکیوٹر نے انکشاف کیا کہ پوسٹ مارٹم رپورٹ پڑھ کر وہ خود لرز گئے ہیں، کیونکہ مقتولہ بچی کے جسم پر تشدد اور زخموں کے 20 نشانات پائے گئے ہیں۔
اسلام آباد (نیوز ڈیسک): اسلام آباد : پراسیکیوٹر واجد منیر نے انکشاف کیا کمسن ملازمہ 13 سالہ فاطمہ اصغر کو الیکٹرک آئرن سے جلایا گیا اور مسلسل ٹارچر کیاجاتارہا، پوسٹ مارٹم رپورٹ پڑھ کر میں خود ہل گیا،جسم پر 20 زخموں کے نشانات ہیں۔
تفصیلات کے مطابق ڈسٹرکٹ اینڈ سیشن کورٹ میں 13 سالہ کمسن گھریلو ملازمہ فاطمہ اصغر کے قتل کیس کی سماعت ہوئی، جس کے دوران گرفتار ملزمان افشاں اور قاری علی کو جوڈیشل مجسٹریٹ کی عدالت میں پیش کیا گیا۔
سماعت کے دوران پراسیکیوٹر واجد منیر نے عدالت کو بتایا کہ دورانِ تفتیش ملزمہ افشاں کے قبضے سے الیکٹرک آئرن جبکہ ملزم قاری علی سے ڈنڈا برآمد کر لیا گیا ہے، اور گھر میں لگے سی سی ٹی وی کیمروں کا ڈی وی آر فرانزک تجزیے کے لیے بھجوا دیا گیا۔
پراسیکیوٹر نے انکشاف کیا کہ پوسٹ مارٹم رپورٹ پڑھ کر وہ خود لرز گئے ہیں، کیونکہ مقتولہ بچی کے جسم پر تشدد اور زخموں کے 20 نشانات پائے گئے ہیں۔
پراسیکیوٹر واجد منیر نے مؤقف اختیار کیا کہ بچی گزشتہ 3 سال سے اس گھر میں رہ رہی تھی، جسے الیکٹرک آئرن سے جلایا گیا اور مسلسل وحشیانہ تشدد کا نشانہ بنایا جاتا رہا، تاہم اس کا علاج تک نہیں کرایا گیا۔
انہوں نے کہا کہ سی سی ٹی وی فوٹیج میں تشدد واضح طور پر دیکھا جا سکتا ہے، جبکہ قاری علی کا کردار جاننے کے لیے اس کا پولی گرافک اور وائس میچنگ ٹیسٹ کرانا ضروری۔
پراسیکیوٹر نے یہ سوال بھی اٹھایا کہ جب قاری گھر آ کر بچی کو پڑھاتا تھا تو پھر اسے مدرسے کیوں بھیجا گیا؟
دوسری جانب تفتیشی افسر نے عدالت کو آگاہ کیا کہ ڈی وی آر میں 7 دنوں کا ڈیٹا محفوظ تھا، جس میں واقعے کی ویڈیوز بھی ملی ہیں، تاہم گھر کے دیگر ملازمین کے بیانات ابھی قلمبند نہیں کیے جا سکے۔
پسرور اور سیالکوٹ کے لیے سپانسرڈ بینر اسپیس
سیالکوٹ اور پنجاب بھر میں اپنے برانڈ کو نمایاں کریں
اپنا پسرور کا آفیشل واٹس ایپ چینل فالو کریں
تمام بریکنگ نیوز، فوری الرٹس اور تصویری خبریں براہِ راست اپنے واٹس ایپ پر مفت پائیں











