سونیا اور راجیو گاندھی کی محبت کی کہانی؛ کیمبرج کے ریسٹورنٹ میں پنپی

اسلام آباد (نیوز ڈیسک): سنہ 1965ء کی بات ہے۔ انگلینڈ کے شہر کیمبرج میں ایک نوجوان اطالوی لڑکی سونیا اپنی زندگی کے ایک ایسے موڑ پر کھڑی تھیں جہاں انہیں اندازہ بھی نہیں تھا کہ ایک عام سی ملاقات ان کی پوری زندگی بدل دے۔

سونیا گاندھی نے حال ہی میں سوشل میڈیا پلیٹ فارم ایکس (X) پر اپنی پہلی پوسٹ کے ذریعے اس خوبصورت داستانِ محبت کی یادیں تازہ کیں۔

ان کی یہ پوسٹ ان کی آنے والی یادداشتوں پر مبنی کتاب Belonging: A Journey of Love کے حوالے سے بھی اہم ہے، جو 10 نومبر کو شائع ہونے والی۔

سونیا ان دنوں کیمبرج میں رہ رہی تھیں۔ اس وقت شہر میں اچھے کھانے کے لیے مناسب ریسٹورنٹ تلاش کرنا آسان نہیں تھا۔ اسی تلاش کے دوران انہیں ایک چھوٹا سا یونانی ریسٹورنٹ ملا، جہاں بھارتی اور اطالوی طلبہ بھی آیا کرتے تھے۔

یہیں ان کی ملاقات راجیو گاندھی سے ہوئی، جو اس وقت کیمبرج میں زیرِ تعلیم تھے۔

ایک مشترکہ دوست نے دونوں کا تعارف کروایا۔ ابتدا میں یہ محض ایک عام ملاقات تھی، لیکن وقت کے ساتھ دونوں کے درمیان دوستی بڑھنے لگی۔ وہ تقریبات میں ملتے، ایک دوسرے کے ساتھ وقت گزارتے اور آہستہ آہستہ ایک دوسرے کو سمجھنے لگے۔