خانیوال: عطائی ڈاکٹر کے غلط انجیکشن سے 6 سالہ بچی جاں بحق
پسرور کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
📌 اہم نکات (خلاصہ):
- تفصیلات کے مطابق، خلیل آباد کی رہائشی چھ سالہ ثمرین کو بخار کی شکایت پر اس کے والد علاقے کے ایک عطائی ڈاکٹر کے کلینک پر لے گئے تھے۔
- لواحقین نے بچی کو فوری طور پر ڈی ایچ کیو اسپتال منتقل کیا، تاہم وہ جانبر نہ ہو سکی اور دم توڑ گئی۔
- واقعے کا نوٹس لیتے ہوئے ڈپٹی کمشنر خانیوال حنا ارشد کی ہدایت پر اسسٹنٹ کمشنر عابد سرور کھوکھر نے جاں بحق ہونے والی بچی کے لواحقین سے ملاقات۔
اپنا پسرور (مانیٹرنگ ڈیسک): خانیوال(24 اکتوبر 2026): صوبہ پنجاب کے ضلع خانیوال میں عطائی ڈاکٹر کی مبینہ غفلت اور غلط انجیکشن لگانے کے نتیجے میں چھ سالہ بچی جاں بحق ہو گئی۔ ضلعی انتظامیہ نے فوری کارروائی کرتے ہوئے ملزم کو گرفتار کر کے اس کا کلینک سیل کر دیا۔
تفصیلات کے مطابق، خلیل آباد کی رہائشی چھ سالہ ثمرین کو بخار کی شکایت پر اس کے والد علاقے کے ایک عطائی ڈاکٹر کے کلینک پر لے گئے تھے۔ عطائی کی جانب سے انجیکشن لگائے جانے کے بعد بچی ثمرین کی حالت اچانک مزید بگڑ گئی، جس پر عطائی موقع سے کلینک چھوڑ کر فرار ہو گیا۔
لواحقین نے بچی کو فوری طور پر ڈی ایچ کیو اسپتال منتقل کیا، تاہم وہ جانبر نہ ہو سکی اور دم توڑ گئی۔
واقعے کا نوٹس لیتے ہوئے ڈپٹی کمشنر خانیوال حنا ارشد کی ہدایت پر اسسٹنٹ کمشنر عابد سرور کھوکھر نے جاں بحق ہونے والی بچی کے لواحقین سے ملاقات کی، گہرے دکھ اور افسوس کا اظہار کرتے ہوئے تعزیت کی، اور عطائی کے خلاف سخت قانونی کارروائی کرنے کی مکمل یقین دہانی کرائی۔
انتظامیہ کے مطابق ملزم کے خلاف مقدمہ درج کر کے مزید قانونی کارروائی عمل میں لائی جا رہی۔
پسرور اور سیالکوٹ کے لیے سپانسرڈ بینر اسپیس
سیالکوٹ اور پنجاب بھر میں اپنے برانڈ کو نمایاں کریں
اپنا پسرور کا آفیشل واٹس ایپ چینل فالو کریں
تمام بریکنگ نیوز، فوری الرٹس اور تصویری خبریں براہِ راست اپنے واٹس ایپ پر مفت پائیں
