برطانیہ : نادرا سروسز پاکستانیوں کے لیے ان کی دہلیز پر

بین الاقوامی ڈیسک (واشنگٹن / لندن): لندن : برطانیہ میں مقیم پاکستانیوں کو شناختی دستاویزات سے متعلق سہولیات ان کی دہلیز تک پہنچانے کے لیے نادرا نے موبائل رجسٹریشن ڈرائیو کا اعلان کردیا۔

نادرا کے مطابق موبائل رجسٹریشن ڈرائیو کے تحت برطانیہ کے مختلف شہروں میں پاکستانی شہریوں کو شناختی دستاویزات سے متعلق خدمات فراہم کی جائیں گی۔

اس سلسلے میں کارڈف (برمنگھم) میں 31 اکتوبر جبکہ وکنگ (لندن) میں یکم نومبر 2026 کو موبائل رجسٹریشن سہولت دستیاب ہوگی۔

کارڈف میں موبائل رجسٹریشن ڈرائیو رَبّانیہ اسلامک سینٹر، 27-31 کلیئر روڈ، گران ٹاؤن کارڈف، سی ایف11 6کیو پی میں ہفتہ 31 اکتوبر کو مقامی وقت کے مطابق صبح 10 بجے سے شام 4 بجے تک جاری رہے گی۔

نادرا کے مطابق اس موبائل سہولت کے دوران شہری نئے شناختی کارڈ کے اجرا، شناختی کارڈ میں ترمیم، تجدید، گمشدہ شناختی کارڈ کے دوبارہ اجرا، نائیکوپ اور ایس نائیکوپ سے متعلق خدمات حاصل کرسکیں گے۔

اس کے علاوہ فیملی رجسٹریشن سرٹیفکیٹ (ایف آر سی) اور ڈوئل نیشنلٹی کلیئرنس کی سہولت بھی دستیاب ہوگی۔

نادرا کی جانب سے موبائل رجسٹریشن ڈرائیو کا مقصد بیرون ملک مقیم پاکستانیوں کو شناختی دستاویزات کے حصول کے لیے سفری اور دیگر مشکلات سے بچاتے ہوئے ان کے قریب خدمات فراہم کرنا ہے۔

نادرا نے برطانیہ میں مقیم پاکستانی شہریوں سے اپیل کی ہے کہ وہ موبائل رجسٹریشن ڈرائیو سے فائدہ اٹھاتے ہوئے اپنی شناختی دستاویزات سے متعلق ضروری امور مکمل کرائیں۔

نادرا نے عوامی سہولت کیلیے درجنوں نئے سہولت مراکز قائم کردیے۔