پنجاب میں ہیلتھ ایجوکیشن کی ڈیجیٹل نگرانی کے لیے ’’پرائم‘‘ پلیٹ فارم متعارف

اپنا پسرور (مانیٹرنگ ڈیسک): پنجاب میں میڈیکل اور ہیلتھ پروفیشنلز کی تعلیم و تربیت کے معیار کو بہتر بنانے اور ان کی عملی صلاحیتوں کی مؤثر نگرانی کے لیے یونیورسٹی آف ہیلتھ سائنسز (یو ایچ ایس) نے جدید ڈیجیٹل پلیٹ فارم ’’پرائم‘‘ متعارف کرا دیا۔

صوبائی وزیر برائے سپیشلائزڈ ہیلتھ کیئر اینڈ میڈیکل ایجوکیشن خواجہ سلمان رفیق نے جمعہ کے روز یو ایچ ایس میں اس ڈیجیٹل پورٹل کا افتتاح کیا۔ اس نظام کے تحت میڈیسن، ڈینٹسٹری، نرسنگ، فارمیسی اور الائیڈ ہیلتھ سائنسز کی تعلیم اور تربیت کو ایک مربوط ڈیجیٹل نظام سے منسلک کیا جائے۔

تقریب میں وائس چانسلر یو ایچ ایس میجر جنرل (ر) پروفیسر سہیل صابر، سابق وزیر صحت پروفیسر جاوید اکرم، پروفیسر احسن وحید راٹھور، وائس چانسلر کنگ ایڈورڈ میڈیکل یونیورسٹی پروفیسر محمود ایاز، وائس چانسلر فاطمہ جناح میڈیکل یونیورسٹی پروفیسر زہرہ خانم اور وائس چانسلر فیصل آباد میڈیکل یونیورسٹی پروفیسر اصغر نقی سمیت طبی تعلیم کے شعبے کی نمایاں شخصیات نے شرکت۔

وائس چانسلر راولپنڈی میڈیکل یونیورسٹی میجر جنرل (ر) پروفیسر سہیل امین، پرنسپل جنرل ہسپتال و امیر الدین میڈیکل کالج پروفیسر جودت سلیم، پروفیسر وارث فاروقہ، ڈین آئی پی ایچ پروفیسر سائرہ افضل، پرنسپل علامہ اقبال میڈیکل کالج پروفیسر طیبہ وسیم اور ڈین شیخ زید ہاسپٹل لاہور پروفیسر عائشہ ہمایوں بھی موجود تھے۔ ڈائریکٹر پوسٹ گریجویٹ سٹڈیز پروفیسر آصف نوید نے شرکاء کو پورٹل کے اغراض و مقاصد اور طریقہ کار پر بریفنگ۔

’’پرائم‘‘ کے ذریعے روایتی دستی لاگ بکس کا نظام ختم کرکے ٹرینیز کی تربیت سے متعلق تمام سرگرمیوں، کلینیکل تجربات، عملی مہارتوں اور تحقیقی پیش رفت کا الیکٹرانک ریکارڈ مرتب کیا جائے۔

اساتذہ اور سپروائزرز کی کارکردگی بھی ڈیجیٹل طور پر مانیٹر ہوگی۔ ہر تربیتی ادارے کو اپنا علیحدہ ڈیش بورڈ فراہم کیا جائے گا جبکہ تمام اداروں کی مجموعی نگرانی یو ایچ ایس کرے گی۔ اس نظام کے تحت اب صرف ڈگری یا امتحانی نتائج ہی نہیں بلکہ طبی تربیت حاصل کرنے والوں کی عملی صلاحیتوں اور کلینیکل تجربے کو بھی جانچا جا سکے۔

افتتاحی تقریب سے خطاب کرتے ہوئے صوبائی وزیر خواجہ سلمان رفیق نے کہا کہ شعبہ صحت میں بہتری لانا وزیر اعلیٰ پنجاب مریم نواز شریف کی اولین ترجیح ہے۔ معیاری علاج کی فراہمی کے لیے جدید ہسپتالوں اور طبی سہولیات کے ساتھ تربیت یافتہ ڈاکٹروں، نرسوں اور دیگر طبی ماہرین کی دستیابی بھی ناگزیر۔