سگریٹ کے ڈبوں میں ریت بھر کر فروخت کرنے والا گرفتار

لاہور (خصوصی نامہ نگار): لاہور: لاہور میں ہرنس پورہ پولیس نے سگریٹ کے ڈبوں میں ریت بھر کر دکان داروں کو فروخت کرنے والے نوسرباز کو گرفتار کر لیا۔

ایس پی کینٹ کے مطابق پولیس نے سوشل میڈیا پر وائرل ہونے والی خبر کا نوٹس لیتے ہوئے کارروائی کی۔ پولیس کا کہنا ہے کہ ملزم انیل خود کو سگریٹ سیلز مین ظاہر کر کے دکان داروں کو ریت بھرے سگریٹ پیکٹ فروخت کرتا تھا۔

ترجمان کینٹ پولیس کے مطابق پولیس نے جدید ٹیکنالوجی اور سی سی ٹی وی کیمروں کی مدد سے ملزم کو ٹریس کیا، نوسرباز کے قبضے سے ریت بھرے سگریٹ پیکٹ، خالی پیکٹ اور ہیٹ سیلنگ استری برآمد کر لی گئی۔

پولیس کے مطابق ملزم کے خلاف مقدمہ درج ک رکے مزید کارروائی شروع کر دی گئی ہے۔ ملزم کو مختلف دکانوں پر سگریٹ فراہم کرتے ہوئے فوٹیج میں بھی دیکھا گیا۔