خواتین اساتذہ کے ہیل والی جوتیاں اور سلیو لیس لباس پہننے پر پابندی! نیا ڈریس کوڈ جاری

پسرور کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
📌 اہم نکات (خلاصہ):
- تفصیلات کے مطابق محکمہ اسکول ایجوکیشن پنجاب نے صوبے بھر کے سرکاری اسکولوں کے اساتذہ کے لباس حوالے سے باقاعدہ نیا ڈریس کوڈ جاری کرتے ہوئے اہم حکم نامہ نافذ کر دیا۔
- جس کے تحت اسکولوں میں غیر رسمی لباس پہننے پر پابندی عائد کر دی گئی۔
- محکمہ تعلیم کی جانب سے جاری کردہ نوٹیفکیشن میں کہا گیا ہے کہ مرد اساتذہ کو اسکول میں ویسٹ کوٹ (واسکٹ) یا فارمل پینٹ شرٹ پہننے کی ہدایت کی گئی۔
لاہور (خصوصی نامہ نگار): لاہور: پنجاب کے سرکاری اسکولوں کے اساتذہ کے لیے نیا ڈریس کوڈ جاری کردیا گیا ، جس کے تحت جینز، شارٹس، ہیل والی جوتیوں اور سن گلاسز کے استعمال پر پابندی عائد کی گئی۔
تفصیلات کے مطابق محکمہ اسکول ایجوکیشن پنجاب نے صوبے بھر کے سرکاری اسکولوں کے اساتذہ کے لباس حوالے سے باقاعدہ نیا ڈریس کوڈ جاری کرتے ہوئے اہم حکم نامہ نافذ کر دیا۔
جس کے تحت اسکولوں میں غیر رسمی لباس پہننے پر پابندی عائد کر دی گئی۔
محکمہ تعلیم کی جانب سے جاری کردہ نوٹیفکیشن میں کہا گیا ہے کہ مرد اساتذہ کو اسکول میں ویسٹ کوٹ (واسکٹ) یا فارمل پینٹ شرٹ پہننے کی ہدایت کی گئی۔
جوتوں کے حوالے سے مرد اساتذہ بند جوتے پہنیں گے، تاہم انہیں جرابوں کے ساتھ سینڈل پہننے کی بھی اجازت ہوگی۔
خواتین اساتذہ کے لیے اسکول اوقات میں ہیل والی جوتیاں اور سلیو لیس (بغیر آستینوں کے) لباس پہننے پر مکمل پابندی عائد کر دی گئی ہے، جبکہ انہیں فارمل لباس کے ساتھ دوپٹہ یا اسکارف لینے کی سختی سے ہدایت کی گئی۔
نئے ڈریس کوڈ کے تحت تمام اساتذہ پر اسکولوں میں جینز اور شارٹس پہننے کے ساتھ ساتھ انڈور مقامات (کلاس رومز اور عمارت کے اندر) پر سن گلاسز (دھوپ کے چشمے) استعمال کرنے پر بھی پابندی عائد کر دی گئی۔
محکمہ اسکول ایجوکیشن نے پنجاب کے تمام سرکاری اسکولوں کے سربراہان کو ہدایت جاری کی ہے کہ وہ اپنے اداروں میں اس نئے ڈریس کوڈ پر فوری اور مکمل عملدرآمد کو ہر صورت یقینی بنائیں۔
پسرور اور سیالکوٹ کے لیے سپانسرڈ بینر اسپیس
سیالکوٹ اور پنجاب بھر میں اپنے برانڈ کو نمایاں کریں
اپنا پسرور کا آفیشل واٹس ایپ چینل فالو کریں
تمام بریکنگ نیوز، فوری الرٹس اور تصویری خبریں براہِ راست اپنے واٹس ایپ پر مفت پائیں











