لاہور اور فیصل آباد سیکشن پر ٹرین آپریشن بحال کرنے کا فیصلہ

لاہور (خصوصی نامہ نگار): پاکستان ریلوے نے لاہور اور فیصل آباد سیکشن پر ٹرین آپریشن کو 15 نومبر سے بحال کرنے کا فیصلہ کیا۔

ایکسپریس نیوز کے مطابق ریلوے مسافروں کو محکمے نے بڑی خوشخبری سنائی کہ لاہور فیصل آباد سیکشن پر ٹرینوں کی آمدورفت بحال کرنے کا فیصلہ کیا گیا۔

اس حوالے سے پاکستان ریلوے نے 15 نومبر سے لاہور فیصل آباد سیکشن پر ٹرین آپریشن بحال کرنے کا نوٹیفکیشن جاری کر دیا۔ جس کے مطابق سیلاب سے متاثرہ مسن کالر اور قلعہ شیخوپورہ کے درمیان نیا ریلوے پل تعمیر کر لیا گیا۔

محکمہ ریلوے کے مطابق نئے تعمیر ہونے والے ریلوے پل پر انجن چلا کر کامیاب ٹرائل بھی مکمل کر لیا گیا جبکہ سی ای او ریلوے حفیظ اللہ کی ہدایت پر لاہور فیصل آباد سیکشن کی بحالی کا فیصلہ کیا گیا۔

انہوں نے کہا کہ 15 نومبر سے لاہور اور فیصل آباد کے درمیان ٹرینیں دوبارہ اپنے اصل روٹ پر رواں دواں ہوں گی جبکہ قراقرم اور شالیمار ایکسپریس کی پرانے روٹ پر واپسی کا فیصلہ کای گیا۔

انہوں نے کہا کہ قراقرم ایکسپریس 41 اپ اور 42 ڈاؤن اب لاہور فیصل آباد روٹ سے دوبارہ سفر کرے گی جبکہ شالیمار ایکسپریس بھی 15 نومبر سے اپنے اصل لاہور فیصل آباد روٹ پر بحال ہو جائے۔