اسکردو میں افسوسناک واقعہ، 4 افراد قتل

دی اردو پوسٹ (مانیٹرنگ ڈیسک): اسکردو کے علاقے مدینہ کالونی سے متصل رہائشی علاقے میں ایک ہی خاندان کے 4 افراد کو قتل کر دیا گیا۔

پولیس کے مطابق مقتولین میں میاں، بیوی اور 2 بچے شامل ہیں جن کی لاشیں اسپتا ل منتقل کر دی گئی ہیں۔ مقتول میں شوہر غلام عباس کا تعلق تلور وندوبلتستان اور بیوی ہانیہ زہرا کا پاراچنار سے تھا جب کہ بچوں میں 4سالہ مہدی اور 2سالہ دیا زہراء شامل ہیں۔

واقعہ گزشتہ رات پیش آیا اور پولیس کو آج دن میں اطلاع دی گئی جس پر کارروائی کرتے ہوئے مکان سیل کر دیا گیا۔ پولیس کا کہنا ہے کہ مقتولین کو چھری کے وار سے بےدردی کے ساتھ قتل کیا گیا ہے۔

وزیراعلیٰ گلگت بلتستان نے قتل واقعے کا نوٹس لیتے ہوئے آئی جی پی سے رپورٹ طلب کر لی۔ ڈی آئی جی بلتستان آصف مہمند کا کہنا ہے کہ قتل کایہ دلخراش واقعہ ناقابلِ برداشت ہے مقتولین کے اہلخانہ کو ہر صورت انصاف کی فراہمی یقینی بنائیں گے، دردناک واقعے میں ملوث قاتلوں کا تعاقب کر کے گرفتارکر یں گے جس کے لیے تمام وسائل بروئے کار لائیں گے۔