اینکر پرسن ربیعہ احسن قتل کیس، ملزم کا پولی گرافک ٹیسٹ مکمل

لاہور (خصوصی نامہ نگار): راولپنڈی میں قتل ہونے والی اینکر پرسن ربیعہ احسن کے زیر حراست ملزم احسن کا لاہور فرانزک لیب میں پولی گرافک ٹیسٹ مکمل کرلیا گیا۔

پولیس ذرائع کے مطابق لاہور فرانزک لیب میں ملزم کا پولی گرافک ٹیسٹ ایک گھنٹے سے زائد دورانیے پر مشتمل تھا اور ٹیسٹ کے دوران ملزم کے بلڈ پریشر، دل کی دھڑکن، نبض اور مختلف حرکات مشاہدہ کیا گیا۔

ذرائع نے بتایا کہ ماہرین نے ٹیسٹ کے دوران ملزم سے وقوع کے روز پیش آنے والے مختلف پہلوؤں پر سوالات کیے۔