پنجاب کے وزیراعلیٰ پرویز الہٰی نے صوبائی اسمبلی کی تحلیل کے لیے گورنر کو سمری بھیج دی ہے۔

جمعرات کی شام لاہور میں تحریک انصاف کے سینیئر نائب صدر فواد چودھری نے کہا ہے کہ ’وزیراعلٰی پرویز الٰہی نے پنجاب اسمبلی تحلیل کرنے کی سمری پر دستخط کر دیے ہیں۔‘

ان کا کہنا تھا کہ اپوزیشن لیڈر حمزہ شہباز کو نگران وزیراعلی کے نام کے لیے خط لکھا جائے گا.

فواد چوہدری کے مطابق دو دن بعد خیبر پختونخوا اسمبلی بھی تحلیل کر دی جائے گی.

پنجاب کے وزیراعلی پرویز الہی نے جمعرات کو تحریک انصاف کے چیئرمین عمران خان سے ملاقات کی تھی جس میں اسمبلی کی تحلیل کی سمری پر دستخط کیے.