محسن پاکستان ایٹمی سائنسدان ڈاکٹر عبدالقدیر خان انتقال کر گئے

محسن پاکستان اور نامور ایٹمی سائنسدان ڈاکٹر عبدالقدیر خان انتقال کر گئے

ڈاکٹر عبدالقدیر خان کو پھیپھڑوں میں تکلیف کے باعث اسپتال منتقل کیا گیا تھا تاہم وہ جانبر نہ ہو سکے اور خالق حقیقی سے جا ملے

ڈاکٹرعبدالقدیر خان کو صبح 6 بجے کے قریب اسپتال لایا گیا تھا تاہم صبح 7 بج کر 4 منٹ پر وہ اس دار فانی سے کوچ کر گئے  

وفاقی وزیر داخلہ شیخ رشید نے بھی ڈاکٹرعبدالقدیر کے انتقال کی تصدیق کرتے ہوئے افسوس کا اظہار کیا اور کہا کہ محسن پاکستان کی طبیعت کچھ عرصے سے ناساز تھی

بھارت کے شہر بھوپال میں پیدا ہونے والے ڈاکٹر عبدالقدیر خان کو تین صدارتی ایوارڈز سے بھی نوازا گیا تھا۔