سرسبز گھاس، خوبصورت بینچز، درختوں اور جگمگاتی روشنیوں سے سجا کالج چوک ڈسکہ، اب ایک دیدہ

عوامی فلاح و بہبود، شہری سہولیات کی فراہمی اور انتظامی امور کی بہتری کے لیے ڈسکہ میں ڈپٹی کمشنر سیالکوٹ (اویس مشتاق) کی جانب سے خصوصی اقدامات کا سلسلہ جاری ہے۔

سرسبز گھاس، خوبصورت بینچز، درختوں اور جگمگاتی روشنیوں سے سجا کالج چوک ڈسکہ، اب ایک دیدہ زیب پارک کا منظر پیش کر رہا ہے۔ پہلے اور بعد کے مناظر اس بات کے عکاس ہیں کہ وزیر اعلیٰ مریم نواز شریف کے وژن کے مطابق بہتر منصوبہ بندی اور عملی اقدامات سے شہری مقامات کو خوبصورت، دلکش اور عوام کے لئے پُرسکون تفریحی مقامات میں بدلا جا سکتا ہے۔

انتظامیہ کے مطابق حکومتی ترجیحات کی روشنی میں تحصیل و ضلع بھر میں شہریوں کے مسائل ان کی دہلیز پر حل کرنے کے لیے تمام متعلقہ محکمے متحرک ہیں۔ شہریوں کو ریلیف کی فراہمی اور شفاف طرز حکمرانی کو ہر صورت یقینی بنایا جائے گا۔